luns, 28 de xaneiro de 2019

ACTIVIDADE MESA REDONDA OS LUMES FORESTAIS APÁGANSE EN INVERNO. 01/02/2019.



O IEAMSo (Insituto de Estudos Agrarios Mártires de Sobredo) e o Instituto Galego de Terras Comunitarias organizan este venres, 1 de febreiro en Tui, na sala Xacobeo da Área Panorámica, a partir das oito da tarde (20:00 H), unha Mesa Redonda para tratar o tema ”Os lumes forestais apáganse no inverno”.

Cóntase coa participación de:
  • Juan Carlos Boo. Comunidade Montes Veciñais de Areas-Tui. 
  • Gonzalo Vázquez. Instituto Galego de Terras Comunitarias. 
  • Xosé Rodríguez. Alcalde do Concello das Neves. 
  • Claudio Quintillán. Experto medioambiental. 
  • Xosé Alfredo Pereira. Org. Galega de Comunidades de Montes. 
A actividade, presentada por Marga do Val. Instituto de Estudos Agrarios Mártires de Sobredo, enmarcase no ciclo “Sobredo, 96 anos despois”, cuxo obxectivo é achegar asuntos de actualidade, dende unha visión das organizacións sociais ligadas a posta en valor do medio rural. Abordase, deste xeito, un tema de fonda preocupación como é a desfeita ambiental provocada polos incendios; e a prevención e loita contra os mesmos.

IEAMSo

martes, 17 de abril de 2018

ACTIVIDADE PRESENTACIÓN DO LIBRO MEIRÁS UN PAZO / UN CAUDILLO / UN ESPOLIO. 19.04.2018



Presentación en Tui, o xoves 19 de abril, do libro Meirás, un pazo, un caudillo, un espolio.

A Sala Xacobeo, da Area Panorámica de Tui, acollerá o xoves, 19 de abril, as 20:00 horas, o acto de presentación do libro Meirás, un pazo, un caudillo, un espolio, editado pola Fundación Galiza Sempre. O investigador Carlos Babío participará na presentación do libro; obra da que é co-autor con Manuel Pérez Lorenzo; nela achegan datos sobre o espolio do Pazo de Meirás. Os autores coa súa investigación aportan evidencias e a proba da ilegalidade da compra del Pazo e a participación das elites coruñesas na operación. Xuntos dedicaron anos á buscar en arquivos e obter testemuñas coas que desmontar a versión oficial de que se tratou “dun regalo do pobo da Coruña” ao ditador Franco. Intervirán no acto acompañando a Carlos Babío, Marga do Val, escritora e en representación do Instituto de Estudios Agrarios Mártires de Sobredo, entidade que organiza a actividade; Manuel Váquez de la Cruz, de Levada Libre. O IEAMSo, continúa con esta actividade o ciclo “Sobredo, 95 anos despois”, co que trata de divulgar asuntos de actualidade e que teñen conexión co traballo que desenvolven persoas e entidades na recuperación da memoria histórica sobre a realidade social que a ditadura franquista esfarelou; e tratou de eliminar con represión e sometemento a un ideario fascista, durante décadas.